|
Normal 0 false false false MicrosoftInternetExplorer4 /* Style Definitions */ table.MsoNormalTable {mso-style-name:"Обычная таблица"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-parent:""; mso-padding-alt:0cm 5.4pt 0cm 5.4pt; mso-para-margin:0cm; mso-para-margin-bottom:.0001pt; mso-pagination:widow-orphan; font-size:10.0pt; font-family:"Times New Roman"; mso-ansi-language:#0400; mso-fareast-language:#0400; mso-bidi-language:#0400;}
“ И ТУГАН ТЕЛ, И МАТУР ТЕЛ.”
(МӘКТӘПКӘ ХӘЗЕРЛЕК ТӨРКЕМЕ БАЛАЛАРЫ БЕЛӘН ТУГАН ТЕЛ БӘЙРӘМЕ)
М.С.Садыкова воспитатель 1 кв.кат. по обучению детей татарскому языку.
МДОУ детский сад “Алёнушка” города Буинска.
Максат: Мәктәпкәчә яшьтәге балаларда татар теленә, туган теленә, мәдәниятенә, сәнгатенә, гореф – гадәтләренә мәхәббәт тәрбияләү.
Алып баручы: Хөрмәтле балалар, олылар, һәр кешенең туып үскән ягы, туган авылы булган кебек туган теле дә була. Бүген без сезгә туган тел бәйрәменә багышланган кичә тәгьдим итәбез.
Алмаз: Без татарлар, Шушы исем белән
Җирдә яшәү үзе зур бәхет.
Яшибез без бу җирдә
Бар халыклар белән берләшеп.
Алия: Туган җирем идел буе
Һәр телнең бар туган иле.
Туган җирем кебек назлы
Җырдай моңлы татар теле.
Булат: Татарчасы туган тел,
Безгә газиз булган тел.
Атаң – анаң, әби – бабаң,
Сине сөя торган тел.
Ләйлә: Алыштырмам бу телне мин бер телгә дә,
Пычраттырмам бу телне мин бер кемгә дә.
“Туган телем” җыры.
1) “Балам “ диеп туган телдә
Эндәшә миңа әткәй
Әнием дип әнкәемә
Мин туган телдә әйтәм.
Дөньяда иң матур ил
Ул минем туган илем.
Дөньяда иң матур тел
Ул минем туган телем.
2) Туган телемдә сөйләшәм
Яшим мин туган илдә.
Туган ил – дигән сүзне дә
Әйтәм мин туган телдә.
Дөньяда иң матур ил
Ул минем туган илем.
Дөньяда иң матур тел
Ул минем туган телем.
3) Иң изге хисләремне мин
Туган телдә аңлатам
Шуңа күрә туган телне
Хөрмәтлим мин яратам.
Дөньяда иң матур ил
Ул минем туган илем.
Дөньяда иң матур тел
Ул минем туган телем.
Руслан: Әле укый белмәсәк тә
“ Туган телне” җырлыйбыз.
Бу Тукай абый бүләге
Иң гүзәл бер җыр дибез.
Әкиятләрен сөйләп, тыңлап
Телләребез ачыла.
“Су анасы”, “Шүрәлеләр”
Безнең дуслар барсы да.
Аделия: И туган тел, и матур тел
Әткәм, әнкәмнең теле.
Дөньяда күп нәрсә белдем
Син туган тел аркылы.
Алып баручы: Безнең татар халкы матур җырлар , шигырләр белә. Матур итеп биюләр башкаралар. Ә хәзер безнең кызлар башкаруында татар халык биюен тәгьдим итәбез.
Чигүле кульяулыклар белән татар халык биюе.
- Ишек шакып Белмәмеш килеп керә.
- Здравствуйте, балалар.
Балалар: - Исәнме, Белмәмеш.
Белмәмеш: - Мин куда пришел?
Балалар: Белмәмеш, син “Аленушка” балалар бакчасына, “Туган тел” бәйрәменә килеп җиттең.
Белмәмеш: Сезнең садик кайсы улицада? Адресыгыз какой?
Балалар: Безнең балалар бакчасы Шафранов урамында урнашкан. Буа шәһәре, Татарстан Республикасы.
Алып баручы: Белмәмеш, ә син кайда яшисең?
Белмәмеш: Мин Казанда живу.
Алып баручы: Белмәмеш, син ник татарча начар беләсең? Татар телен өйрәнергә кирәк. Әгәр дә яхшы белмәсәң Вил Казыйханов язган “И родной тел” дигән шигырдәгечә
булырсың.
Сәйдәш: И родной тел, и красивый ,
Мамам , папамның теле
Мог я узнать күп нәрсәне
Син родной тел аркылы.
Бу языкта коляскада
Мамам сказку көйләгән
А затем төннәр буе
Бабуля рассказ сөйләгән.
А потом ни сәбәптәндер
Өйрәткәннәр рус язык
Якобы тик шушы телдә
Алам духовный азык.
Ләйлә: Говорят, син Мамай теле
Кирәк түгелсең нигде.
Без тебя и хлеблар үсә
Нефть табыла везде.
ВУЗга поступать иткәндә
Говорят, син кирәкми.
Дальше – больше жить иткәндә
Нужен ли ты, вряд ли.
И родной тел, и матур тел.
Мамам, папамның теле
Только я их обвиняю
Өйрәтмәгәнгә сине.
И родной тел, аңлаталар
Можно жить и быть синсез
Мама, папа и бабуля
Оставили мине телсез.
Белмәмеш: Балалар, рәхмәт сезгә, мин дә татар телендә генә сөйләшергә тырышырмын.
Алып баручы: Белмәмеш, безнең балаларыбыз туган телне яхшы беләләр. Туган тел, туган ил турында мәкальләр дә күп беләләр.
Динара: Туган илем – Туган анам.
Сабина: Туган илем – туган өем.
Алмаз: Иң татлы тел – туган тел
Анам сөйләп торган тел.
Фаил: Тел кешене дус итә
Бер – беренә беркетә
Яхшы беләм мин рус телен
Һәм онытмыйм үз телем.
Эвелина: Татарча да яхшы бел
Русча да яхшы бел,
Икесе дә безнең өчен
Иң кирәкле, затлы тел.
“Җырлыйк әле туган телендә “ җыры.
1) Без яшибез төрле якларда
Сөйләшәбез төрле телләрдә
Ә туган телебез, әниләр телебез
Яши ул безнең күңелдә.
2) В городах мы и в селах живём
И о дружбе мы песню поём,
А любовь, доброта всем понятна всегда
Мы друзья, мы друзья навсегда.
Алып баручы: Менә шулай Белмәмеш, туган илне, туган телне яратырга кирәк. Безнең балалар туган телендә җырлар җырладылар, шигырләр сөйләделәр, мәкальләр әйттеләр. Ә син Белмәмеш, ни эшли беләсең?
Белмәмеш: Ә мин уйный беләм. Әйдәгез әле “ Түбәтәй” уенын уйнап алабыз.
“Түбәтәй “ уенын уйнау.
Максат: Балаларның игьтибарларын, җитезлекләрен арттыру. Татар халык уеннарына мәхәббәт тәрбияләү.
Уен барышы: Магнитофон язмасында татарча көй яңгырый. Балалар түгәрәк ясап басалар. Бер балада түбәтәй. Көй яңгыраганда түбәтәйне янында торган балага бирә. Көй туктагач түбәтәй кем кулында кала, шул уеннан чыга бара. Уен шулай дәвам итә.
Актыкка калган бала җиңүче була.
Алып баручы: Рәхмәт, Белмәмеш, уеның матур булды.
Белмәмеш: Миңа файдалы кичә булды бу, балалар, рәхмәт сезгә, күпне белдем. Ә хәзер миңа кайтып китәргә кирәк. Дусларым белән Туган телне өйрәнергә кирәк. Сау булыгыз.
Алып баручы: Хөрмәтле балалар, мин бу бәйрәмне Гөлнур Айзатуллова шигырендәге юллар белән тәмамлыйм.
Мин бәхетле, әгәр балаларым,
Сөйләсәләр ана телендә.
Кайгыларын, шатлыкларын бергә,
Бүлешсәләр татар телендә.
|
