Балалар мәктәпкә укучы формасы белән генә йөрсәләр бик яхшы булыр иде, Форма укучыны тәртипкә, пөхтәлеккә, үз-үзен билгеле бер кысаларда тотарга өйрәтә,

Әлбәттә, тәрбияли. Минем укучыларым һәрвакыт формада йөриләр. 1нче сыйныфтан әти-әниләргә дә моның мөһимлеген төшендерәм. Балалар тәртипкә дә, чисталыкка да, җыйнаклыкка да өйрәнәләр. Әти-әни өчен дә бу бик уңайлы дип саныйм мин. Балама нәрсә кидерим микән дип аптырап торасы түгел. Аннан соң хәзер төрле гаиләләр бар бит(матди яктан тәэмин ителеш буенча). Ә балалар формада йөргәч бу сизелми. Аларның хокуклары бер бит.

Безнең мәктәптә форма кертелүгә 3 ел. Формадан киенгән укучыларны күргәч күңелләр күтәрелә.

Икенче яктан ата-аналарга да уңайлы (шактый экономия килеп чыга)

Мәгариф һәм мәдәният министрлыклары оештырган видеоконференциядә дә сүз бердәм мәктәп формасы турында барды. Бу әлбәттә уңай күренеш.

Минемчә, мәктәп формасы балаларда җавапчанлык, пөхтәлек, үз киемеңә карата сакчыл караш тәрбияли.

Әлегә бездә бердәм мәктәп формасы юк. Яңа уку елыннан кертергә уйлыйбыз. Мәктәп формасы булса бик әйбәт инде. Алайса, хәзер бит балалар гел кешедә булмаганны эзли, модадан да калышмаска тырыша. Ә бу үз чиратында әти-әни кесәсенә "суга".