Әдәбият – рухи тәрбия чыганагы. Ул кешенең аңын, күңелен тәрбияләүдә, психик дөньясын үзгәртүдә, формалаштыруда алыштыргысыз. Рухи тәрбия дигәндә, без Ватанга, туганнарга мөнәсәбәтне дә, төрле яктан белемле булуны да, милли хәзинәләргә сак карашны да, милли һәм дини йолаларны хөрмәт итү һәм өйрәтүне дә, физик сәламәтлек һәм камил тел белүне дә күздә тотабыз. Әдәбият укытучылары әдәбият ярдәмендә баланы тормышка әзерләргә тиеш. Хәзерге заманда бу бигрәк тә актуаль. Гамәлдәге программага әсәрләр шул күпкырлы сыйфатларны искә алып кертелгән.