курс) “Тел күрке – сүз””дип аталган махсус курс программасы 34 сәгатькә исәпләнгән. Ул 5нче сыйныфларда татар телен начар белүче укучылар өчен татар телен рус теле белән чагыштырып өйрәнү курсы буларак тәкъдим ителә. Программа татар теленең серләренә төшенүне, орфографиянең кыен очракларын тирәнтен өйрәнүне, сүзлек запасын баетуны, уй-фикереңне тиешле сүзләр белән дөрес һәм оста итеп аңлата һәм дәлилли белүне күздә тота. Курсны өйрәнү укучыларның танып белүен, аңлавын, иҗади фикерләвен, дөрес язу нормаларын белүнең кирәклеген аңлауны активлаштыруны күздә тота. Укучыларда эзләнү, тикшеренү, проектлар төзү эшләре белән шөгыльләнүгә омтылыш уята. Курсны өйрәнү вакытында укучылар тарафыннан интеллектуаль танып белү, эмоциональ эшчәнлек төрләре файдаланыла. Мәсәлән, теманы тикшергәндә, укучылар татар теле дәресләрендә алган белемнәрне кулланалар, шул ук вакытта белемнәрне тирәнәйтәләр, яңа белемнәр алалар. Алган белемнәрен гамәли файдалану укучыларга әхлакый канәгатьлек бирә, алга таба предметны өйрәнүгә кызыксыну уята һәм эмоциональ кәеф булдыра. Парлы һәм группалы эш алымнары куллану уңай нәтиҗә бирә. Программа теоретик материал, практик характердагы биремнәр, кызыклы сорауларны, проект эшләрен үз эченә ала. Курс проект яклау белән тәмамлана. Бу курс укучыларга гуманитар профильгә юнәлеш бирә.