Данные об авторе
Автор(ы):
Шамсевалиева Гульнара Миннемулловна
Место работы, должность:
МОУ "Кутлу-Букашская СОШ", учитель начальных классов, руков. ШМО учителей начальных классов
Регион:
Республика Татарстан
Характеристики урока (занятия)
Уровень образования:
начальное общее образование
Целевая аудитория:
Классный руководитель
Предмет(ы):
Внеклассная работа
Предмет(ы):
Физическая культура
Цель урока:
1.Балалар һәм әти-әниләр арасында сәламәт тормыш рәвешен пропагандалау. 2.Балаларда үз сәламәтлегенә карата җаваплы караш тәрбияләү. 3.Балаларда әти-әнисе белән горурлану хисе тәрбияләү
Учащихся в классе (аудитории):
70
Используемая методическая литература:
1."Мәгариф "журналы №1,10,2006 ел
2. "Тәрбия "газеталары №5, 10,2006
3. "Классный руководитель" журналы, №7, 2006
4. Бескоровайная Л.С.,Перекатьева О.В. "Настольная книга учителя начальных классов" Ростов на Дону, Феникс, 2002
Используемое оборудование:
туплар, кыршаулар, скакалкалар, себеркеләр, шарлар, такта-басмалар, залны бизәү өчен "Әти, әни һәм мин- спорт сөюче гаилә!", "Сәламәт тәндә- сәламәт акыл", "Хәрәкәттә-бәрәкәт" плакатлары, сәламәт тормыш рәвеше сурәтләнгән рәсемнәр, компьютер, проектор, презентация.
Используемые ЦОР:
компьютер, проектор, презентация
Краткое описание:
Бу спорт бәйрәмендә 4-шәр гаиләдән торган ике команда торле эстафеталарда катнашалар, ярышлар укучылар әзерләгән концерт номерлары белән үрелеп бара.
Балык Бистәсе районы
К о тл ы -Б ү к ә ш гомуми урта белем бирү мәктәбе
Башлангыч сыйныф
укытучыларының күмәк эше
2009 нчы ел
Аннотация
Безнең Котлы-Бөкәш гомуми урта белем бирү мәктәбендә укучыларның рухи һәм физик сәламәтлеген саклау проблемасы һәрвакыт игътибар үзәгендә тора. Укучыларның сәламәтлеген ныгыту юнәлешендә максатчан эш алып барыла. Мәктәптә сәламәтлек көннәре, спорт ярышлары, тематик айлыклар, класс сәгатьләре, класстан тыш чаралар, медицина хезмәткәрләре белән очрашулар, спорт түгәрәкләре үткәрүнең балаларның сәламәтлеген ныгытуда уңай нәтиҗәләр бирүенә без инандык. Укытучылар һәрвакытта ата-аналар белән тыгыз элемтәдә торабыз. Мәктәптә үткәрелгән күпчелек чаралар әти-әниләр белән берлектә үткәрелә.
Укучыларның һәрьяклап үсешенә, сәламәтлеген ныгытуга, яшь организмны чыныктыруга ярдәм итү, укучыларда физик, әхлакый һәм ихтыяр көче, үзләрен тәртипле тоту күнекмәләрен тәрбияләү, сәламәт яшәү рәвешенә ихтыяҗ булдыру максатыннан без башлангыч сыйныф укучылары белән сәламәтлек атналыгы үткәрдек. Бу атнада һәр сыйныфта сәламәтлек дәресләре үткәрелде. Атналыкның икенче көнендә сәламәт тормыш рәвеше сүрәтләгән рәсемнәр конкурсы уздырылды. Өченче көнендә- сәламәт тормыш рәвеше турында табышмаклар, һәм физминуткалар конкурсы уздырылды. Дүртенче көнендә - сәламәт тормыш рәвеше белгечләре турниры узды. Бу көнне укучылар группаларга бүленеп станцияләр буенча йөреп үз белемнәрен күрсәттеләр. Һәм атнаның бишенче көнендә "Әти, әни һәм мин- спорт сөюче гаилә " дип аталган ярыш - кичә үткәрелде. Аның максатлары булып: балалар һәм әти-әниләр арасында сәламәт тормыш рәвешен пропагандалау, балаларда үз сәламәтлегенә карата җаваплы караш, әти-әнисе белән горурлану хисе тәрбияләү булып торды.
Бу чарага һәр сыйныф җитди әзерлек алып барды. Һәр сыйныфтан ярышларда катнашыр өчен ике командага гаиләләр сайланды (әти, әни, бала), әти - әниләр белән әзерлек эше алып барылды. Шулай ук кичәдә ярышлар арасында чыгыш ясар өчен спортка, сәламәтлеккә багышланган концерт номерлары әзерләнде (биюләр, җырлар, шигырьләр). Әлеге ярыш-кичә спорт залында үтте. Залның стеналары “Әти, әни һәм мин - спорт сөюче гаилә!", "Сәламәт тәндә - сәламәт акыл", "Хәрәкәттә-бәрәкәт" плакатлары, сәламәт тормыш рәвеше сурәтләнгән рәсемнәр, шарлар, әкият геройлары рәсемнәре белән бизәлде. Кичәдә әзерләнгән презентациядән слайдлар күрсәтелеп барылды. Шулай ук залда атналыкның икенче көнендә үткәрелгән сәламәт тормыш рәвеше сүрәтләгән рәсемнәр конкурсына тәкъдим ителгән балалар эшләреннән күргәзмә оештырылды. Кичәгә катнашучы гаиләләрдән тыш барлык башлангыч сыйныф укучылары, аларның әти-әниләре, туганнары килде. Ә ярышларны бәяләүче жюри әгъзалары – мәктәбебезнең директоры, аның урынбасарлары булды. Кичәне башлангыч сыйныф укытучылары алып барды. Бу үткәрелгән спорт бәйрәменең ахырында атна буена үткәрелгән конкурсларда җиңгән балалар, катнашучы гаиләләр мактау грамоталары белән бүләкләнделәр.
Максат: 1.Балалар һәм әти-әниләр арасында сәламәт тормыш рәвешен пропагандалау.
2.Балаларда үз сәламәтлегенә карата җаваплы караш тәрбияләү.
3.Балаларда әти-әнисе белән горурлану хисе тәрбияләү
Үткәрү формасы : ярыш-кичә.
Катнашучылар : башлангыч сыйныф укучылары, әти-әниләре, укытучылар, мәктәп администрациясе.
Җиһазлау : туплар, кыршаулар, скакалкалар, себеркеләр, шарлар, такта-басмалар, залны бизәү өчен "Әти, әни һәм мин- спорт сөюче гаилә!", "Сәламәт тәндә- сәламәт акыл", "Хәрәкәттә-бәрәкәт" плакатлары, сәламәт тормыш рәвеше сурәтләнгән рәсемнәр, компьютер, проектор, презентация.
Кулланылган әдәбият:
1."Мәгариф "журналы №1,10,2006 ел
2. "Тәрбия "газеталары №5, 10,2006
3. "Классный руководитель" журналы, №7, 2006
4. Бескоровайная Л.С.,Перекатьева О.В. "Настольная книга учителя начальных классов" Ростов на Дону, Феникс, 2002
Бала: Җир шарында һәрбер бала
Булсын таза-сәламәт.
Ә аның нигезендә, әлбәттә,
Тора спорт һәм хезмәт.
Укытучы : - Исәнмесез, хөртмәтле тамашачылар: әти-әниләр, укытучылар, укучылар. Язгы чор - кеше организмының хәлсезләнгән, витаминнарга ярлыланган, төрле авыруларга тизрәк бирешүчән чагы.
Укучы : - Күбрәк вакытыгызны саф һавада үткәрегез, яшелчәләр белән дуслашыгыз, хәрәкәтле уеннар белән шөгыльләнегез, дип кисәтә белгечләр.
Укытучы: - Без дә алар сүзләренә бик теләп кушылабыз һәм бу киңәшләрне истә тотарбыз. Бүген без "Әти, әни һәм мин сорт сөюче гаилә " дип аталган ярыш-кичәгә җыелдык.
Укучы: - "Сәламәт тәндә- сәламәт акыл" -диелә татар халык мәкалендә. Үз сәламәтлегең турында һәрдаим кайгыртып яшәү -һәр кешенең изге бурычы.
Укытучы: - Бүгенге ярышта үз сәламәтлекләре өстендә һәрдаим шөгыльләнүче, спорт сөюче гаиләләр катнашачак. Ә хәзер катнашучы гаиләләрне залга чакырыйк:
1 нче команданы алкышлыйк! Залда утыручыларны сәламләп зал тирәли әйләнеп килегез !
- 2 нче команданы сәламлик!
Укучы :
- Командаларның уңышларын бәяләп баручы мөхтәрәм жюри әгъзалары белән дә танышып китик.
- Хәрәкәтләнү йөз даруны алмаштыра, ләкин бер дару да хәрәкәтләнүне алмаштыра алмый , диләр.
Укытучы : - Бүгенге кичәбез төрле хәрәкәтле уеннар, ярышлар һәм укучыларның чыгышлары белән үрелеп
барачак.
Катнашучы командаларга: кыю, җитез, өлгер булырга телибез . Уенның тәрт ибен игътибар б е л ә н тыңлагыз. Кагыйдәләрне бозмаска тырышы г ыз! Җиңсәгез чын күңелдән шат ла ныгыз, җиңелсәгез төшенкелеккә бирелмәгез, көчле рух белән алга таба атлагыз!
Укучы : - Ә тамашачыларга алкышларын кызганмаска-кул чабарга, командаларга дәрт , көч биреп торырга!
Укытучы : - Физик яктан сау-сәламәт, чыныккан к еше авыруларга каршы тору сәләтенә ия булып к ын а калмыйча, тормышны сөючәнлеге, ризыктан тәм таба белүе, зирәклеге, тапкырлыгы белән дә аерылып тора.
Укучы : - Ә хәзер командаларга сүз бирәбез. Алар безне үзләре белән таныштырырлар.
1нче команда "Ялкын":
Бала : Җирдә миңа ни кирәк?
Балалар бергә: Әти дә әни кирәк!
Әти : Җирдә миңа ни кирәк?
Әтиләр : Сәламәт гаилә кирәк!
Әни : Сәламәт булу өчен ник кирәк?
Әниләр : Дөрес туклану кирәк!
Режимны саклау кирәк!
Барысы бергә : Көч һәм дәрт,
Зиһен, сәләт,
Шулчак булырсың сәламәт!
2нче команда "Дулкын":
Әни: Спорт- авыруга бер дәва
Әти : Дуслашсаң аның белән
Гаиләң булыр көр һәм шат
Бала : Әткәм , әнкәм һәм мин
Без бик тату гаилә
Дару, укол кулланмыйча
Һәр көн зарядка ясыйбыз
Сау Һәм таза яшибез!
Бергә : Су, кояш һәм Һава- безнең якын дустыбыз!
Укытучы:
Уеннар һәм ярышлар
Витамин кебек алар.
Күңелләрне күтәрә
Йөрәкләргә көч бирә
Укучы - Беренче ярышта һәр командадан 2 гаилә катнашачак.
Командалар әзерләнә торганда 3"б" сыйныф укучыларына сүз бирәбез.
Р.Валиева шигыре "Ясыйк бергә физзарядка"
Укытучы: -Катнашучы гаиләләрне уенга чакырабыз. Беренче уеныбыз " Гаиләләр эстафетасы
Уенның шартлары белән таныштырып китәм: Беренче кеше тупны аяк арасына куеп, кыршау янына кадәр сикереп бара- кыршау эченә тупны куя, ә кыршау эчендәге скакалканы алып билгеләнгән урынга кадәр сикереп бара, кире үз урынына скакалканы кулына тотып чабып кайта һәм скакалканы алдагы уенчыга тапшыра. Икенче кеше скакалка белән сикереп кыршауга кадәр бара, скакалканы кыршау эченә куя да, тупны ала. Тупны аяк арасына куеп, билгеләнгән урынга кадәр сикереп бара. Ә кайтканда тупны кулына тотып чабып кайта һ әм тупны алдагы уенчыга тапшыра. Шул рәвешле калган катнашучылар дәвам итә. Эстафетаны башлыйбыз!
Укучы : Командаларга ял итәргә вакыт бирәбез.
Сезнең каршыда 1 нче"а" сыйныф укучылары чыгыш ясый!
Р.Валиева “Сикергеч”, ритмик бию.
Укытучы : Менә сезгә авыр туплар
Алар белән уйнар өчен
Көчле куллар кирәк.
Кулдан кулга тупны бирер өчен
Җитезлек һәм уяулык кирәк.
Алдагы ярышыбыз "Кулдан кулга " дип атала. Бу уенда командадагы барлык уенчылар да катнаша
-Сигнал белән ярышучылар берсе артыннан берсе йөгереп скамейкага утыралар. Мондый тәртиптә: әти, әни, бала.... Беренче катнашучы тупны куллар белән артка таба бирә, калганнар дәвам итә. Ахырдагы уенчы тупны тотып алга килеп утыра һәм тупны шулай ук артка таба җибәрә. Шул рәвешле скамейкада уен башында беренче утырган уенчы алга килеп җиткәнче уен дәвам итә. Тупны кулга алып өскә беренче кем күтәрсә -шул җиңүче була.
Укучы : Алдагы уеныбыз "Сазлык " дип атала. Бу уенда әниләр генә катнаша.
Әниләребез ял итеп хәл җыйган арада сүзне
3 сыйныф укучыларына бирәбез.
Р.Валиева "Туп һә м без", акробатика элементлары белән бию.
Укытучы:
Сазлы юллар кичү авыр
Егылып батмаска кирәк
Бу ярышта җиңәр өчен
Төгәллек һәм сизгерлек кирәк
Бу ярышта һ әр командадан 4 ш ә р әни катнаша. Алар сазлык аша үтәргә тиеш булалар, һәр командага да 4 шәр такта бирелә. Сазлыкның озынлыгы 6 метр. Әни кеше 2 тактага аяклары белән баса, ә калган икесен алга таба, билгеле бер оз ын лыкта(атларга җайлы булсын) итеп куя. Алга атлаган саен, арттагы тактаны алга куя бара. Кире кайту юлы да шул рәвешле дәвам итә.
Укучы : Киләсе ярышта балалар гына катнаша. Алар әзерләнә торганда сезнең каршыда 2 сыйныф укучылары чыгыш ясый. Р.Валиева "Мин -спортчы".
Тәнәфес (зал белән физминутка ясау)
Хәзер бераз ял итик,
Тәнебезгә көч кертик.
Бер урында таптаныйк,
Сикергәләп тә алыйк
Уңга, сулга күз салыйк,
Муеннарны боргалыйк,
Ишкәкләрне нык тотыйк,
Беләкләрне ныгытыйк
Кулларны алга сузыйк.
Үткен кайчылар булыйк.
Бер чүгәлик, бер басыйк,
Кул тегермәне ясыйк.
Тиз армаска тырышыйк,
Арганнарга булышыйк!
Укучы : - Туп, туп бит ул түгәрәк
Төрле якка тәгәри
Әгәр боҗра эченә салсаң
Салмак кына үрмәли.
Укытучы : Бу уеныбыз "Тәгәри тубым " дип атала.
-Һәр катнашучы тупны обруч эченә алып, идәндә тәгәрәтеп бара. Шул ук тәртиптә икенче, өченче, дүртенче катнашучы дәвам итә.
Укучы: Алдагы ярышыбызда әтиләр генә катнаша. Алар әзерләнгәндә сезнең каршыгызда 1 "б" сыйныф укучылары чыгыш ясый.
Укытучы : Оча,оча очып китә
Шар бит ул бик җиңел
Сабырлыгың булса әгәр
Йөгәнләрсең бик җиңел.
Укучы : Хәзер үткәреләсе ярышыбыз "Тыңлаусыз шар " дип атала.
- Әти кеше шарны таяк белән тотып идәнгә төшермичә билгеләнгән урынга алып барырга тиеш. Шарны боҗра эчендә калдырып таякны тотып чабып кайта. Ул таякны икенче катнашучы әтигә тапшыра. Икенче номерлы әти кеше таякны тотып билгеләнгән урынга кадәр чабып бара. һәм таяк белән төртеп шарны идәнгә төшермичә алып кайта. 3, 4 нче катнашучылар да шулай ук хәрәкәт итәләр.
Укытучы: Алдагы ярышыбызда 2 гаилә катнашачак. Командалар ял итеп алсын. Хәзер сезнең каршыгызда 4"а" сыйныфы укучылары чыгыш ясый.
Р.Валисва "Ура, физкультура", җыр
Укучы: Бу ярыш "Өй җыештыру " дип атала.
1) Әни кеше теннис тупларын бер-берсеннән 3 адым ара калдырып билгеләнгән урынга кадәр бер рәткә тезә дә кире йөгереп әйләнеп кайта.
2)Бала себеркегә атланып туплар арасыннан йөгереп барып, кире шулай ук арадан йөгереп кайта.
3) Әти кеше себерке белән чиләккә тупларны җыя бара һәм йөгереп кайта.
- Биремне төгәл үтәгән команда җиңүче була.
Укытучы : Бәйрәм ярышыбызның ахыргы эстафетасында командаларның барлык катнашучылары да ярыша.
Р.Миннуллин "Спортның яңа төре" . жыр, бию.
Укучы: "Энә күзе эченнән " дип аталган эстафетаның тәртибе белән таныштырам.
-Уенчы сигнал буенча боҗра янына йөгереп бара, боҗра эченә керә һәм боҗраны гәүдә буенча
Йомгаклау: жюрига сүз
Укучы: Хәрәкәттә-бәрәкәт,
Тәнгә керә көч һәм дәрт.
Тәнгә- сихәт, җанга- рәхәт
Хәрәкәткә мең рәхмәт!
Укытучы : Сезнең барчагызга да тазалык-саулык, бәхет, шатлык, укуыгызда, эшегездә зур уңышлар, матур хыяллар, якты киләчәк, рухи байлык телибез!
