Бу дәрес “Сыйфат” темасы буенча беренче дәрес итеп бирелде. Сүз төркемнәре темасын өйрәнүне дәвам итеп, башлангыч сыйныфта һәм рус теле дәресләрендә алган белемнәренә нигезләнеп,  сыйфат төшенчәсе турында белемнәре искә төшерелде, тирәнәйтелде.

Дәреснең формасы: дәрес- сәяхәт.

Дәреснең төп максаты түбәндәгеләр иде.

Укучыларга белем бирү максаты:

-татар һәм рус теле грамматикаларын чагыштыру нигезендә, мөстәкыйль сүз төркеме буларак сыйфат турында төшенчә бирү;

Белем һәм күнекмәләр үстерү максаты:

-укучыларның бәйләнешле сөйләм телен үстерү, фикерләү сәләтләрен үстерү юнәлешендәге эшләрен дәвам итү;

Тәрбияви максат:

-укучыларда кешелеклелек, ярдәмчеллек, изгелек сыйфатлары тәрбияләү.

Дәреснең төп бурычы: сыйфатны сүз төркеме буларак үзләштереп, аны сөйләмдә дөрес куллану.

Дәресне планнаштырганда эш төрләре көчле һәм йомшак укучылар өчен көчләреннән килердәй дәрәҗәдә биремнәр уйланылып әзерләнде.

Дәреснең структурасы бу куелган максатларны һәм бурычларны гамәлгә ашыруга ярдәм итә.

Яңа материал белән таныштыру:  проблемалы сорау куюдан башлана.

Алынган белемнәрне ныгытканда төркемләп эшләү, дифференциаль эш үткәрелде. Күрсәтмәлелек, сыйфатның моделен төзү, презентация алымынарын куллану дәрестә укучыларны актив эшчәнлеккә тартты.

Сәяхәт-дәрес оештыру һәм заманча информацион технологияләр куллану укучыларны кызыксындыру һәм дәресне эчтәлеклерәк итү максаты белән эшләнде.

            Укучыларның яшь үзенчәлекләрен исәпәкә алып башваткычлар, мәкальләр, табышмаклар куллану һәм дәреснең ахырына кадәр уен атмосферасын саклау -  дәрестә яхшы психологик хәләт булдырды.