|
Татарстан Республикасы Азнакай муниципаль районы Чалпы авылы муниципаль белем бирү учреждениесе «Чалпы урта гомуми белем бирү мәктәбе»
«Соңгы кыңгырау»- бәйрәме өчен сценарий
Төзеде:Хәйруллина Рәмзия Лотфулла кызы- Чалпы урта мәктәбенең 11 нче сыйныф җитәкчесе (1 нче квалификацион категорияле татар теле һәм әдәбияты укытучысы)
Чалпы,2013 нче ел
1
«Соңгы кыңгырау» бәйрәмендә укучылар,әти-әниләр,укытучылар, ветеран укытучылар, авыл җитәкчеләре катнаша.Укучыларның кулларында шарлар,котлау открыткалары.Залда «Хуш,мәктәбем», «Сау бул, балачак иле»дип язылган плакатлар, стендлар.
Алып баручы.Хәерле көн, хөрмәтле кунаклар, ата-аналар, укытучылар һәм укучылар! Бүген сезнең өчен дә,безнең өчен дә иң тантаналы һәм истәлекле көннәрнең берсе.Бу тантанада чыгарылыш сыйныф укучылары өчен соңгы кыңгырау яңгыраячак.
Соңгы кыңгырау ул-урта мәктәпне тәмамлап,зур тормышка,олы дөньяга юлланган чыгарылыш укучыларын моннан соң мөстәкыйль булачакларын искәртеп тора кебек…Бу чың - аларның кадерле укытучылары белән хушлашу авазы.
1 нче укучы.Ишетәсезме,соңгы кыңгырау чыңын? Ул безне 11 ел буена озата килде.Беренче белем көне дә безнең хәтерләрдә нык саклана әле.
2 нче укучы.Балачакның иң кадерле, якты һәм мөкатдәс бәйрәме- тәүге кат мәктәп бусагасын атлап кергән көннәр.
3 нче укучы. Хәтердә-2002 нче ел.
Килдек шушы мәктәпкә.
Кыңгырау чыңын ишетү
Кызык иде ,әлбәттә!
4 че укучы.Юл бирегез безгә,
Тайпылыгыз читкә.
Укырга килдек бүген!
Мәктәпкә кердек бүген!
Җыр «Укытучыма»
5 нче укучы.Җәүһәрия апа!
Нинди хисләр белән өйрәттегез,
Әлифбаны ачып укырга?!
-
Сез өйрәткән ныклы белем белән
Атладык без бүген зур юлга!
6 нчы укучы.Зөһрә апа!Сезнең тырышлыктан
Бәйле булды күпме уңышлар.
Бик мөлаем булып,төшкә кереп,
Юксындык без сезне күп еллар.
Хор:Рәхмәт сезгә,1 нче укытучым!
Җыр: «Улларым,Сез минем,кызларым»
1 нче укучы.Баш очыннан ак болытлар ага,
Ак болытлар-безнең балачак.
Балачакка кире кайтып булмый,
Алар шулай ап-ак калачак.
Ак болытлар-безнең балачак.
2 нче укучы.
Әйдәгез,балачак иленә әйләнеп кайтыйк әле.
Мәктәп,директор,линейка
Сүзеннән куркып тормыйк әле,
Балачак иле патшасы-1 нче укытучыбыз
Җәүһәрия заһидулловнага сүз бирик әле!
1 нче укытучы сөйли.
3 нче укучы.Шук кызчыктай уйнап болыннарда,
Ромашкалар җыйдым бер кочак.
Яланаяк басып яр читенә,
Кулын болгый миңа сабый чак.
3
4 нче укучы.Чәчәкләргә карап уйга калдым,
Нигә алар болай уйчаннар?
Шаян чишмәдән дә сорап куйдым:
Кая ага икән бу сулар?1
5 нче укучы.Балачагым,җәйге йомшак җилдәй,
Битләремне назлап сөясең.
Шаян гына хушлашасың үзең:
-Дәү булдың ич,китәм,-диясең
6 нччы укучы.Йөгерек дулкыннардай ашыгасың,
Тукталмыйсың хәттә беразга.
Ашыкмачы,зинһар,сабый чагым,
Калчы әле,тагын беразга!
Җыр. «Школа»
1 нче укучы.Мәктәбемә илтер юллар буйлап,
Бала булып килә узасым.
Еллар үткәч килә:
-Исәнме!-дип
Балачакка кулым сузасым.
2 нче укучы. Эх,балачак!үткән сукмаклардан
Яланаяк йөгереп үтәргә,
Бар дөньяны онытып,сабый булып,
Күбәләкләр куып китәргә.
Җыр. «Классташым»
4
3 нче укучы.Балачакта зурлар дөньясына
Сайлар өчен юллар җитәрлек.
Тик еракта калган сабый чакка
Тапмыйм юллар килеп җитәрлек.
4 нче укучы.Тапмам микән,әгәр ул юлларны
Әкиятләрдән эзләп карасам.
Алар бармас микән үткәнемә,
Йомгакларым сүтеп карасам?..
Ак самолетлар очырту.
5 нче укучы.Белем сукмакларыннан атлап бара торгач, кире кайтмас 11 көз,кыш,яз һәм җәй айлары үтеп, күңелебездә онытылмаслык хатирә булып калды.6 нчы укучы.4 елбуе экскурсияләргә йөреп,башлангыч сыйныфны төгәлләгәч,5 нче сыйныфка укырга килдек.Дәрескә чакырып,кыңгырау чыңлый.Ишектән салмак кына атлап,Зөлфия апа, ә аннары чәчләренә чал керә башлаган укытучыбыз Рәмзия апа керә.
1 нче укучы.Тукай,Җәлил шигырьләрен
Ятлаттырдың укытучым!
Гореф-гадәт,әдәбиятны
Яраттырдың укытучым. Рәхмәт сиңа, укытучым!
Җыр. “Сез иң гүзәл кеше икәнсез”
2 нче укучы.Беренче сентябрь көнендә
Без мәктәпкә киләбез.
Бер баскычка күтәрелеп,
Белем дәрьясын кичәрбез.
3 нче укучы.Бу дәрьяны кичәр өчен,
Бик күп укырга кирәк.
5
Һәр дәресне яратырга
Тик булсын бездә теләк!
4 нче укучы.Ә быелдан бу шигырьне
Бүтәннәр ятлар инде!
Без утырган парталарга
Башкалар атлар инде!
Җыр. “Сау бул,мәктәп”
5 нче укучы.11 ел буена безгә белем һәм тәрбия биргән укытучыларыбыз,тәрбиячеләребез,җыештыручылар һәм пешерүчеләр!Сезнең тырышлык безне сокландыра.Рәхмәт сезгә барсы өчен дә.
6 нчы укучы. Син оялта белдең кирәк чакта.
Юата да белдең кай чакта.
Җылы сүзең,назлы күз карашың,
Укытучым!Синең йөрәктә.
Класс җитәкчесе сөйли: Хәерле юл,сезгә укучылар!
Максатларга барып җитегез.
Ашкынулы гомер юлларыннан
Язмышны да узып китегез.
Хәерле юл,Сезгә,хәерле юл!
1 нче укучы.Иң сагышлы,иң хыялый,иң шук
Елларым,мәктәп, синдә үткән.
Бүләк итеп.балачагымны мин,
Китәм инде,мәктәбем,китәм.
2 нче укучы.”Мәктәбеңә соңга каласың,”-диеп,
6
Әни уятмас инде бүтән.
Сизелми дә үткән 11 елым,
Мәктәбем!Китәм инде,китәм!
3 нче укучы.Очар кошлар без ямьле бу язда,
Юл җиңел булмас,сынаулар алда,
Киңәш бирергә,ярдәм итәргә.
Абый-апалар булмаслар анда.
4 нче укчы.Мәктәп елларын онытмыйк,дуслар.
Соңгы кыңгырау еракта калып,
Еллар узгач та колакта чыңлар.
Моңлы җыр булып,колакта чыңлар.
Вальс. «Соңгы кыңгырау”(Шарлар очыру)
5 нче укчы.Укытучы!Назлы кояш кебек,
Күңелемне назлап җылыта.
Авыр чакта ярдәм кулы суза,
Сабыр сүзе белән юата.
6 нчы укучы.
Ихлас рәхмәтемне әйтер өчен,
Ничек кенә табыйм сүзләрең?
Менә бүген чәчәк бәйләменең
Бирәм аңа иң-иң гүзәлен!
Чәчәк бәйләмнәре тарату.
Җыр. “Кая илтер,кая алып барыр”
7
1 нче укучы . . Хуш,мәктәбем,дуслар,остазларым, Балачагым,яшьлек,мәхәббәт!
Барлык хисләр монда ихлас һәм чын,
Бөтенесе өчен мең рәхмәт!
Җыр. “Куда уходит детство?”
2 нче укучы.Көмеш тавыш тынмый,
Йөрәкләрдә чыңлый,
Соң мәртәбә чыңлый кыңгырау,
Якты юллар теләп,
Матурлыкка өндәп,
Саубуллаша көмеш кыңгырау.
Җыр. “Кыңгыраулы мәктәп еллары”
Бер укучы кыңгырау чыңлатып, беренче сыйныф укучысын күтәреп әйләнә.
11 сыйныф укучылары классларына кереп китә .
|
