|
Тема: Бүләк кемгә.
Максат: укучыларның хезмәт турында алган белемнәрен тулыландыру,
тикшерү, балаларның сөйләм телен, иҗади фикерләүләрен
үстерү, сүзлек запасын баету;
бөкләү һәм туры кисү ысуллары белән кабартылган йолдыз
ясарга өйрәтү;
табигатькә , хезмәткә мәхәббәт, гаделлеккә хөрмәт, чисталык,
пөхтәлек тәрбияләү.
Материал һәм җиһаз: төрле формадагы йолдызлар коллекциясе, тест,
тенологик карта, дәреслек 116-119 битләр, төсле кәгазь, кайчы,
клей, стиплер, магнитофон.
План.
1. Оештыру. Гөжләп уку.
2. Актуальләштерү.
1) Тест: “Мәкальне дәвам ит”
1 Тырышкан табар ...
а) тырышмаса тапмас.
й) ташка кадак кагар.
б) конфет кабар.
2 Тирләп эшләсәң - ...
в) исләнеп йөрерсең.
г) юынырсың.
о) тәмләп ашарсың.
3 Ялкаулык-хурлык - ....
л) тырышлык зурлык.
м) эшләгән шәп булган.
4 Иренгән ...
д) ике эшләр.
е) терсәген тешләр.
ж) йоклап ятыр.
5 Тырыш бәхетен ...
к) казып алыр.
ы) эшләп табар.
н) көтеп торыр.
6 Күз курка, ...
з) кул эшли.
п) колак тыңлый.
с) авыз ашый.
- Нинди сүз килеп чыкты?
- Йолдыз.
2) Йолдызлар турында әңгәмә.
Темабыз “Бүләк” дигән, ә безнең йолдыз сүзе килеп чыкты, боларны ничек бәйләргә? (фикерләр тыңлау)
Бүләк итеп буламы? Нинди йолдызларны бүләк итеп була?
Нинди йолдызлар була? (укучыларның фикерләре)
3) Йолдызлар коллекциясен карау.
Менә нинди матур, кулдан эшләнгән йолдызлар бар.
3. Яңа белем һәм күнекмәләрне формалаштыру.
1) Кереш әңгәмә. Нәрсә ул бүләк? Сез бүләк алырга яратасызмы? Ә бирергә?
2) “Бүләк кемгә?” әкияте өстендә эш.
Мин хәзер сезгә бер әкият укыйм, игътибар белән тыңлап утырыгыз, анда бүләк кемгә бирелә икән?
3) Укытучының кычкырып укуы. Ни өчен һәрбер ел фасылы бүләкне үзенә тиеш дип уйлый?
4) Сүзлек эше.
Дүрт фасыл – елның бүленеше.
Алтынга күмдем – бөтен дөньяны саргайттым.
Чәчәккә күмү, яшеллеккә күмү – дөньяны матурлау.
5) Әкиятне эчтән уку. Ел фасылларының сүзләрен карандаш белән билгеләп барырга.
6) Рольләп уку.
4. Физкультминут. Музыка астында ял итү, массаж ясау.
5. Йолдыз ясау өстендә эш.
Әйдәгез, яңа елга без дә бер бүләк эшлик әле бүген. Үз көчебез белән эшләнгән, сатып та аласы юк.
1) Эш урыннарын әзерләү, куркынычсызлык кагыйдәләрен искә төшерү.
2) Технологик карта ярдәмендә эш тәртибен аңлату.
а) Төсле кәгазьдән квадрат форма кисәбез,
б) ике тапкыр уртадан бөклибез,
в) туры сызыклар белән кисәбез, тик кырыена ук килеп җитмибез,
г) ачып салабыз һәм чиратлаштырып ябыштырабыз,
д) 5 кисәкне бергә берләштерәбез;
3) Гамәли эш. Ярдәм итү.
4) Әзер эшләрне анализлау, күргәзмә оештыру.
6. Дәресне йомгаклау.
-Дәрестә нәрсә белдек?
-Бүләкне сатып кына алыргамы икән?
-Нәрсә ясарга өйрәндек?
7. Өй эше. Теләгәнен сайлап алырга.
Әкиятнең эчтәлеген сөйләргә.
Йолдызлы күкне берәр ел фасылында ясарга.
Йолдызны өйдәге чыршыларга да ясап элергә.
 
- Сызыкларын билгелә 2 Почмакларын бөклә
 
3. Туры кис 4. Кәгазьне кире җәй
 
5. Килеп чыккан детальнең киселгән өлешләрен чиратлаштырып ябыштыр
 
6. Икенче ягын шул тәртиптә эшлә
7. Шундый 8 деталь яса һәм беркет
8. Ормаментта кабарынкы йолдыз
|
