Республика мәгариф һәм фән хезмәткәрләре август киңәшмәсе ТР Мәгариф һәм фән министрлыгы сайтында турыдан-туры трансляцияләнәчәк

Ул быел “Безнең яңа мәктәп” илкүләм мәгариф инициативасын тормышка ашыру шартларында Татарстан Республикасы белем бирү системасын үстерү” дигән исем белән уза

(Казан, 22 август, “Татар-информ”). Бүген Республика мәгариф һәм фән хезмәткәрләренең Әлмәт шәһәрендә узачак август киңәшмәсе (пленар утырыш) ТР Мәгариф һәм фән министрлыгының рәсми сайтында турыдан-туры трансляцияләнәчәк. Ул быел “Безнең яңа мәктәп” илкүләм мәгариф инициативасын тормышка ашыру шартларында Татарстан Республикасы белем бирү системасын үстерү” дигән исем белән уза.
Пленар утырышта республика җитәкчелеге, ТР Мәгариф һәм фән министры Альберт Гыйльметдинов, РФ Дәүләт Думасы һәм ТР Дәүләт Советы депутатлары, министрлык-ведомстволар җитәкчеләре, федераль органнарының республикадагы башлыклары, предприятиеләр җитәкчеләре, мәгариф идарәләре (бүлекләре) башлыклары, ректорлар һәм башкалар катнашыр дип көтелә. Бу хакта ТР Мәгариф һәм фән министрлыгы рәсми сайты хәбәр итә.

Чыганак: татар - информ мәгълүмат агентлыгы