|
Уроклэн темаез: ар чоже ортчемез тодэ ваён ( урок – зачёт 5 –тü класс)
Мугъёсыз : 1) витетü классын ар чоже ортчем материалэз тодэ ваён но юнматон;
2) ортчем материалэз ужазы быгатыса кутыны дышетон;
3) тупаса, керетытэк, эшеныд умой кусыпъёс возён сярысь кенешон.
Задачаосыз:1) текстэн ужаны дышетон;
2) тест амалэн ужаны дышетон.
Ужтüрлык : компьютеръёс (урок ортчоз компьютерной классын, текст, юанъёс)
Уроклэн мынэмез
Урокын жутэм ужпумъёсын тодматоно.
Эпиграф :
Эшез вöсь карыны шуг ик öвöл,
быгатэм кулэ тупаны.
(калык визькыл).
Дышетüсь. Зечбуресь, пиналъёс.
Туннэ асьмеос «визьмес сыналом» быдэс ар чоже ортчем темаосъя. Нырысь сэрттомы – пертчомы В. Ившинлэсь «Кык эшъёс» текстсэ. Текстэз лыдзоно но юанъёслы шонер валэктондэс гожтоды тетрадяды.Котькуд шонер валэктондылы 1 балл, нош 10 – тü юанлы 5 балл.
Кык эшъёс.
Кыдёкын оло матын, кыче ке одüг гуртын уло – выло кык эшъёс Дымбыр но Шалтыр.
Дымбыр дышетске ни, нош Шалтыр пичигес на, садике ветлэ. Одüг пол Дымбыр уроксэ дышетэ вал. Шалтыр вуиз но чор
Айда ульчаын öжытак шудом!
Али уг, - шуэ Дымбыр, - урокме лэсьтü ке, потто.
Э – э! – кеськиз Шалтыр.- Урокед тыныд эшедлэсь дуно!
Уг шуд ни мон тонэн!
− Эн шуд, - каньылэн вазиз Дымбыр, - эштэ сокем жог вунэтüськод ке.
Шалтыр куатаськыса кошкиз но ульчаысь пиналъёсын шудüз. Дымбыр малпаз: «Мынам
урокме куштэме уг луы ук, «кык» басьто». Адямиос юнме шат шуо: «Нырысь уждэ йылпумья, собере шуд».
Эшезтэк лумбыт шудыны Шалтыр öз чида. Дымбыр доры нош ик вуиз но шуэ:
Вождэ эн вай, эше. Простить кар. Мон уг куатаськылы ни. Дымбыр шумпотüз.
Эшсэ зыгыртüз но тэтча: «Ярам, ярам! Эштэк улыны мöзмыт. Ум куатаськылэ ни!»
В. Ившин.
Текст бордын ужан:
1) Валэктэ, мае шуо текст? Гожтэлэ текстлэсь темазэ.
2) Кыче луэ валтüсь малпанэз?
3) Текстлэсь типсэ, стильзэ тодоно.
4) Прямой речен предложениослы схема лэсьтоно.
5) Мае шуо диалог? Монолог? Вань – а соос текстын?
6) Мае шуо синонимъёс, антонимъёс? Текстысь примеръёсын юнматэлэ.
7) Мае возьматэ предложение? Маин пöртэм луэ предложение кыл сочетанилэсь?
8) Шедьтоно текстысь вöлскем но вöлскымтэ предложениосты.
9) Лэсьтэлэ фонетической разбор кыдёкын кыллы.
10) Урокмылэсь эпиграфсэ ужады кутыса, гожтэлэ вакчи текст
Сётэм текст бордын, пиналъёслы ужаны дыр висъяське 25 минут (шоро – куспо дышетскисез лыдэ басьтыса).
Дышетüсь: пиналъёс, нош али ваньмы учкомы компьютере. Бадзым куронэн вазиське асьмелы Мики. Ойдолэ юртом солы. Котькуд тестын сётüське юан но солы валэктон. Валэктонъёс луозы куинез, бырёно одüгзэ гинэ, кудüз тü сямен шонерез луэ. Ваньмыз юан дас куатез, шонер валэктон ке сётüды, дас куать балл басьтоды, янгышады ке, компьютер гожтоз: «Янгышад, эше!».Таче гожтэм потüз ке, тестэз ужамысь дугдüськоды, книгаысь шедьтоно со правилоез, кудüзлы тü валэктон сётыны öд быгатэ.
Дунъет сётüське таче куронъёсъя:
«5» пуктüське 28 – 30 баллы
«4» пуктüське 25 – 27 баллы
«3» пуктüське 15 – 24 баллы
Гуртэ уж: 285 уж(гожъяно),133 – тü бам.
Уроклы йылпумъян лэсьтон.
Уроклэн приложениез мультимедийной презентация.
|
